燒味滷師 (大廈街)

Open Now

Now Closed

今日經過大窩口街市，見到新開了間燒味舖，門口大排長龍，原來新張優惠，鹽焗雞$45/隻，叉燒$78/斤，單雙拼飯盒$22/盒，怪不得門口人山人海啦！本著唔好執輸的心態，我都斬料返屋企開餐。要了$25半隻鹽焗雞，當第二日的午餐，偷食了一件，雞處理得唔錯，唔會有雪味，少少咸味滲入肉內，雞肉都算嫩滑，性價比最高。叉燒半斤$40，用了梅頭肉所以很腍，蜜汁味濃，醃得入味。燒鵝要了上庄$110，鵝皮雖然不脆，但很厚肉，還有些皮下脂彤，肉質較結實有咬口，不過都幾有肉汁，味道唔錯。最後加多一份泰式鳳爪拼海蜇，夏天食超開胃，鳳爪已去骨，酸酸辣辣入口超爽。