一番街 (Closed)

呢家又係鰂魚涌食海鮮丼唔錯嘅選擇，因為佢真係豐儉由人， 食平食貴又得，好似車仔麵咁，有得自己每樣海鮮咁揀。呢碗入面有帶子，燒三文魚，蟹膏 ，吞拿魚， 食起嚟都幾足料，一共七十零蚊。我最欣賞就係燒三文魚，油脂夠食起嚟好香口，再加埋少少嘅燒汁，非常好味。而帶子都唔錯，甜甜地都算厚肉。而呢碗入面就係蟹肉﹑蟹膏﹑海膽﹑燒三文魚等 。海膽一份廿蚊，但食落都絕不欺場，色澤金黃，又甜又creamy。呢碗就八十零蚊，但係咁多材料都抵啦。