回憶客棧

Open Now

Now Closed

本局長是日與副局長信步走到長沙灣，見此串燒店裝修別緻，遂入內一窺究竟。餐廳採用QR code落單，點菜時有多芫茜、走蔥等選項，局長唔食蔥，遂統統走蔥。先嚟一客燒田螺，十分惹味。花甲粉湯底香濃，份量十足，應該有十隻花甲，但局長手殘影唔到。燒茄子好大塊，上鋪以大量蒜蓉，好食！至於其他串燒亦各具特色，串串都有水準，其中局長倆猶愛雞腎、墨丸、牛舌。雞腎質韌脆嫩，美味可口；墨丸燒至通體金黃，皮脆內軟；牛舌味道濃郁，甚具咬口。飲品方面有啤酒、紙包飲品、黃老吉等，仲有副局長至愛嘅椰樹牌椰汁，令副局長得以回味童年。總括而言，餐廳食物好食且價錢公道，局長倆強烈推介。