Video
Read full review
2007-01-07
1602 views
星期日訓醒已經快到下午茶時間,由一大堆外賣單張篩選,今次再試食好D;呢度炒粉麵飯種類好多,價錢由$20-$25,仲有湯同飲品,抵食丫!!生炒牛肉飯大大盒,牛肉碎都唔少,加上生菜絲、蛋絲,味道應該幾ok,最重要係炒得乾身無油。廈門炒米又係大大盒,頂到上飯盒頂!!米粉較幼身,覺得似用新竹米粉,所以好對自己胃口。配料有叉燒、蕃茄、青椒同幾絲雪菜,相信雪菜作用係提高鮮味,唔係只有酸甜味道咁單調,同炒牛肉飯一樣都係極少油,師傅似乎有d功架!!今日煲節瓜湯,味道似家常湯,煲得夠時間!除左用豬肉之外,仲有雞頸,所以都算鮮味。熱奶茶茶味幾濃,不過稍為多奶同細杯,有d唔夠喉!!跟餐可以加%5有油菜或豬扒;油菜好嫩綠,菜心好粗壯,味道幾甜,只可惜今次落左油,比較油膩;豬扒大大片香噴噴,肉質較實,似乎無用鬆肉粉,味道比較一般,但$5有一件連骨豬扒,點計都係抵食。呢度d炒粉麵幾有水準,不過咖喱類應該幾辣,因為上次試過印尼炒飯,但似乎似咖喱炒飯比較多,用上咖喱同辣椒同炒,辣到難以完成一盒!!
生炒牛肉飯大大盒,牛肉碎都唔少,加上生菜絲、蛋絲,味道應該幾ok,最重要係炒得乾身無油。
廈門炒米又係大大盒,頂到上飯盒頂!!米粉較幼身,覺得似用新竹米粉,所以好對自己胃口。配料有叉燒、蕃茄、青椒同幾絲雪菜,相信雪菜作用係提高鮮味,唔係只有酸甜味道咁單調,同炒牛肉飯一樣都係極少油,師傅似乎有d功架!!
今日煲節瓜湯,味道似家常湯,煲得夠時間!除左用豬肉之外,仲有雞頸,所以都算鮮味。
熱奶茶茶味幾濃,不過稍為多奶同細杯,有d唔夠喉!!
跟餐可以加%5有油菜或豬扒;油菜好嫩綠,菜心好粗壯,味道幾甜,只可惜今次落左油,比較油膩;豬扒大大片香噴噴,肉質較實,似乎無用鬆肉粉,味道比較一般,但$5有一件連骨豬扒,點計都係抵食。
呢度d炒粉麵幾有水準,不過咖喱類應該幾辣,因為上次試過印尼炒飯,但似乎似咖喱炒飯比較多,用上咖喱同辣椒同炒,辣到難以完成一盒!!
Post
