大利咖啡店

Open Now

Now Closed

呢日食晏時間嚟到灣仔鵝頸熟食中心搵食。位於鵝頸街市一樓嘅熟食中心上面都有好幾間食肆選擇，今次就揀咗呢間《大利咖啡店》。揀左個是日精選入面嘅時菜支竹牛腩飯配凍檸茶，共$46。時菜支竹牛腩飯，飯同餸分開餐具載，飯夠曬大碟，軟硬適中。時菜支竹牛腩，份量都幾多，牛腩、牛筋、支竹同菜心，大大一碗。牛腩同牛筋都夠腍夠入味，雖然菜心放喺碗底，但都保持到翠綠，冇話焗到黄曬。凍檸茶，茶味同檸檬味都夠濃，味道唔錯。總括嚟講，呢餐食物份量都幾大份，味道唔錯，價錢喺灣仔及銅鑼灣嚟講算平，絕對係一個平靚正嘅好選擇。