Fûhn Express (Closed)

喺商場行街，我覺得food court嘅嘢食永遠都係平靚正🤣見呢排天氣熱辣辣，所以揀咗比較開胃嘅越南菜。全日套餐有得送蝦片🤣湯粉有得揀河粉或者金邊粉。我嗌左生牛肉湯河粉，湯底有香料同牛骨味，完全唔肥膩。佢採用左美國安格斯牛肉，肉味重。配埋有好多嘅蔥粒同洋蔥絲，口感清爽。我地仲嗌左特色雞絲湯金邊粉。湯底係用雞殼熬製而成，好濃郁。配料有手撕雞，鵪鶉蛋同手打雞肉丸，其中嘅雞肉丸最為有特色👍🏻我哋亦都嗌咗好幾款小食：手打蝦餅係用全蝦肉而成，蝦味十足，仲相當彈牙。配埋酸辣醬或者他他醬都好夾味。炸春卷好脆口，內有蔬菜絲同粉絲。扎肉串食起上嚟好方便，味道唔會過鹹。