忠記咖啡屋‧私房菜 (Closed)

放工之後最開心就係見朋友同食餐好嘅，今次我同朋友都想食中菜，於是就揀咗忠記咖啡屋，一間位於銅鑼灣嘅私房菜。餐廳座位多而闊落，好適合一家人或者幾個朋友舒舒服服食餐飯。值得一讚嘅，就係忠記嘅餐單選擇非常豐富，基本上你諗到想食嘅，都應該會order到😜 而我哋就食咗三道菜+一個例湯。胡椒豬肚湯估唔到呢個湯咁入味😜 而裡面嘅胡椒味更加起咗吊味嘅作用～芥茉安格斯牛柳粒見呢道菜用上wasabi咁特別，我哋就叫嚟試試啦。我本身就鐘意食wasabi，牛柳粒配上wasabi呢個咁新鮮嘅配搭，我當然鐘意啦😜蝦乾麵醬炒唐生菜食中菜當然唔少得一個菜啦。唐生菜新鮮，加上惹味嘅蝦乾炒過，令人食唔停。椒鹽雞軟骨最後仲叫埋個椒鹽雞軟骨，炸得剛剛好，炸粉又薄，上面有一小層椒鹽粉、辣椒粉同蔥花，點埋附上嘅微酸醬汁，好開胃。Overall嚟講，滿意😜！