激安之殿堂美食廣場

Open Now

Now Closed

Donki開左一段時間，終於冇咁多人，重點係門口右邊開左便當express line，可以直接係到俾錢，唔使兜哂成個donki先買得。今次簡左呢個海苔三文魚便當，賣相幾吸引，$49幾平，買既時候仲暖暖地，但返到公司食就凍左，所以叮一叮返熱會好d。開餐啦～三文魚好味，有少少三文魚油，唔肥夠淋，仲要冇骨，食得好爽。獅子狗係炸過，但唔太脆，不過都好食，因為鹹鹹地。三文魚下面有一塊海苔，但係淋哂，呢個係有d可惜。旁邊有少少配菜，酸酸地幾開胃。飯應該係珍珠米，比較乾食，配三文魚食好夾。整體黎講：性價比高，下次會試埋其他便當。