大滿喜日本料理 (Closed)

第一次食呢間已經好滿足，係旺角放題既選擇好多，今次就揀左呢間「大滿喜日本料理」。 位置係出左旺角地鐵站，行7-8分鐘左右就到，唔算難搵。上到去店員很熱情地招待，令我都嚇了一跳，因為好耐未見過一間做放題公司時店員會咁熱情同有禮貌，即刻食都食得開心啲！落單方面已經轉用左電子落單，雖然冇左瘋狂斯紙既快感，為左環保出一分力！飲品同一般放題一樣係自助形式，有不同選擇。食物方面選擇都好多，首先刺身方面有大大片厚切三文魚，超肥美同埋都好新鮮！墨魚幾爽口唔會難咬。蝦就有甜蝦，大赤蝦同虎蝦！炸物方面有炸一口芝士，食落外脆內軟，入口即溶，好正啊！食多幾粒都唔會厭多🤣仲有芝麻雞翼，一咬落去啲汁就流出黎，炸得岩岩好，味道就有少少辣！見到有其他新加入既熟食，叫左個花膠冬菇試下，花膠幾滑口冬菇就幾入味！食到咁上下就叫左個牛乳鍋中和下，好香既牛奶味，配埋豆腐，食落滑嘟嘟。今餐真係大滿喜！