七福神和食亭

Open Now

Now Closed

今日係朋友生日，特別同佢食日本餐慶祝生日，揀左係佐敦附近呢個好多人推介的七福神。一打開餐牌，發現選擇非常多，抵食又多元化。除了日本菜，還有韓國菜我們先叫了一個《生蠔拼盤B》$126有1件法國生蠔，各刺身2件: 三文魚刺身，甘蝦刺身，油甘魚刺身刺身好鮮甜美味，仲好厚切，所以性價比好高。特盛海鰻丼$128蒲燒鰻魚的分量好多，一半鰻魚，一半飯，鰻魚汁好多，撈飯的口感一流。魷魚鬚唐揚$50分量好多，仲要係新鮮炸起，用咗好少炸粉去炸，所以淡淡都係魷魚鬚肉🦑好正！串燒5品盛$68雞中翼，豬頸肉，冬菇，雞軟骨和小青椒各一串，等你可以一次試全不同的串燒🤤試完再決定追加那一串。牛油果鮮奶沙冰 $38 好香牛油果味，口感清甜滑溜，為味蕾帶來清新感覺！好岩食每道菜之間用來清一清味蕾。最後，我們叫左少少壽司食，當中最愛海膽，真係好足料同好好味。仲有三文魚腩，好長好大件，又鮮甜，所以好抵食，比起一些連鎖壽司店，他們的價錢更平一些，又大件些，但質素是好的。總括來說，性價比真的好好好高的日本餐廳，而且選擇好多，一定會搵到你想食的。