珍意泰國菜館 (Closed)

呢間舖頭裝修簡單，有茶餐廳感覺，門口貼有好多泰國旅遊資料。殊不知入到去原來舖位又深又大，有大枱細枱適合唔同組合嘅客人。今日點咗個午市套餐：秘製海南雞飯 $50份量充夠，差不多有半隻海南雞，足夠送哂碗飯有餘。雞肉肉嫩鮮甜有雞味，經過冷熱交替，雞皮變得好爽口，而且皮肉分明。海南雞的醬料係帶有薑蓉的甜豉油，可以點雞或淘飯，甜甜地又帶點薑的微辣，十分惹味。冬瓜湯清甜可口。最特別係碟飯配搭了豬紅，豬紅爽口爆汁，非常好味！