麺屋武蔵虎洞 (青衣城) (Closed)

疫情期間不可以去旅遊，但係要清公司假期，朋友同我都鍾意食日本沾麵，佢買咗兩個上嚟一齊食，然後一齊去行山。兩份都係沾麵套餐，「白虎汁」比我，「黑蒜汁」就係佢自己；仲加咗小食炸雞同餃子，兩罐可樂。「白虎汁」有濃厚豚骨味，「黑虎」就有濃香蒜頭味；麵條比較粗身，有咬頭，非常有掛湯能力，我哋兩個都話好好味。炸雞嘅脆漿做得非常鬆化，雞肉好Juicy，點埋佢超好味帶微酸嘅白汁，非常開胃惹味。日式煎餃子🥟亦都皮薄餡靚，加上蔥花，沾上日式酸醋汁，好味。外賣包裝得非常好又有系統，食得好方便，估唔到叫沾麵外賣都仍然咁好食😋，要讚👍。朋友話網上外賣平台都可以訂到呢間日式拉麵外賣，有機會試吓先。