維港灣餃子坊 (Closed)

而家好多餐廳做堂食/外賣優惠，尼間餃子鋪係元朗有2間分店，食過一次番尋味。d餃子隻隻都好有份量，餡料一d都唔馬虎。午市時間唔少人堂食，今次選擇外賣有優惠。叫左香芹鮮肉湯餃，農家豬手，江南花雕醉雞，南瓜薯餅。平時好少特登食香芹，見到難得有香芹餃子，所以叫黎食下。湯餃一共有8隻，如果煎餃就有6隻。落單個陣冇特別吩咐湯同餃子分開上，但餐廳已經好好，將佢地分開裝，咁就唔怕d餃子浸住d湯太耐。一咬開香芹味濃郁，混和豬肉，鮮甜多肉汁。而且餡料包得好均勻，好明顯個皮薄到好似d餡會爆哂出黎咁。可以配辣椒油食又得。個湯清甜唔膩，飲多到唔怕。除左餃子出色之外，小食都好有驚喜好值得叫。花雕醉雞真心好重酒味，係食落口，feel到好烈既酒勁，唔係只係得香氣。個花雕汁好多，鍾意既配餃子食又得。雞肉嫩滑唔鞋口，皮爽。件件都吸哂d酒味。鍾意花雕既人唔可以錯過，食過咁多間，係尼間feel到好烈，jeng。豬手色澤好靚，炆到上哂色，而且夠"林"。一大盒有好多件豬手，件件都大隻。豬手清理得乾淨，味道唔會過鹹，仲有骨膠原，啃骨一流。南瓜薯餅一件有手心咁大，厚度都有番咁上下，好重手。南瓜蓉混薯蓉炸，外層內層一樣金黃色，名副其實