陸揚串燒

Open Now

Now Closed

第五波疫情嚴峻，好耐冇出去食好嘢，見屋企附近新開咗間串燒店，梗係要試吓啦。除咗串燒小食，重有飯麵同炒腸粉等嘅主食，可惜今日炒腸粉賣曬～R5 韓式辣醬生炒豬頸肉飯 $55拎嘅時候都覺得好有重量，一打開睇，真係塞到滿滿，相信壯漢都會夠飽炒飯味道辣辣地咁，惹味醒胃；豬頸肉份量大方，食落一啲都唔韌，厚薄適中，重帶幾分焦香，好抵食G2 新疆孜然極厚羊肉串 $30個包裝好抵讚，入面有層錫紙，唔會搞到啲油滴曬出嚟之餘，重可以保溫，值得加分嘅細心位。羊肉真係幾厚身，肥瘦適中，啲肉燒完都重好juicy，一啲都唔臊，孜然味非常香口，好邪惡好好食！見佢會做埋party小食到會，可惜依家疫情唔可以搞party，第日有機會想可以叫佢啲套餐，夠曬方便。