貴緣小鍋米線 (崇潔街) (Closed)

好朋友搬咗去土瓜灣住，今日去探下佢，佢話樓下有好多不同食店，請我落去試吓，其中一間叫貴緣小鍋米線，平靚正好抵食。米線即叫即煮，熱辣辣好大碗 ，湯底係每天用大量新鮮豬骨熬煮。有5款湯底揀，有招牌酸辣湯、秘製麻辣湯、豬骨鮮濃湯、特濃新鮮蕃茄湯、青花椒麻濃湯，除咗豬骨鮮濃湯無得揀辣度外，其他湯底都可以揀辣度，另外有點像車仔麵，有多款不同口味配料和小食選擇。豬骨鮮濃湯，包含韮菜、芽菜、蔥。豬骨湯味濃郁，味道香甜，豬紅嫩滑、芝士腸腸衣微脆，咬落有芝士流出、滷水大腸滷得入味、豬軟骨燜得非常入味及軟腍。米線軟熟滑溜。特濃新鮮蕃茄湯：蕃茄湯底酸酸甜甜咁幾開胃，味道帶有少少辣，湯底包括鮮蕃茄、韮菜、芽菜、蔥，配料揀咗雞翼、墨魚丸、紅腸、豬紅，雞翼嫩滑入味，墨魚丸彈牙。米粉爽口。蒜香醬油雞翼，雞翼係單骨方便食用，雞翼上鋪滿蒜泥，肉質嫩滑，好香蒜味和好入味。皮蛋豆腐：豆腐真係好滑，配上味道獨特的皮蛋，軟嫩鹹香好好味。