Video
Read full review
2016-08-28
1862 views
難得跟老公入元朗做野，成日聽人講元朗d野食平靚正，當然要搵下好野食啦！幾經辛苦搵到個小車場，一落車就見到附近有間幾隱蔽既拉面小店。岩哂我胃口，即刻衝入去先！原來停車場果個係後門，正門0係大街，都幾顯眼架！店內座位唔多，同隔離都幾親密下。睇睇個menu先，拉面大概有十款配菜，配三款面底同五款湯底，選擇都唔少架！另外有唔少燒物、炸物，連飲品都有滿滿一大頁。店仔細細，但食物款式確係多！我地叫左兩款拉面，加三款燒物：照燒雞扒拉麵、極上和牛拉麵、燒牛舌同燒扇貝。《照燒雞扒拉麵》$63雞扒預先燒香左先放0係麵面，外皮香脆，肉質嫩滑，口感一流。而麵條火候控制都唔錯，不軟不硬。湯底方面，我選左地獄湯底，豬骨濃香外有微辣，非常惹味！成碗麵水準好高，反而伴碟既糖心蛋過熟，扣左少少分。《極上和牛拉麵》$73老公叫左豬骨湯底，佢覺得偏啖唔夠濃香。好彩我揀左地獄姐！但值得一讚既係牛肉，偷食左老公一舊，好驚喜！店主用左高級既燒肉級和牛，入口即溶，無諗過拉麵配料都可以有甘既質素。《燒牛舌》$26@一串牛舌定價唔平，但一見到實物就覺得好值得喇！牛舌一串有三件，三件都係厚切，非常足料！火候控制得剛好，肉質爽口；一啖咬落
幾經辛苦搵到個小車場，一落車就見到附近有間幾隱蔽既拉面小店。岩哂我胃口，即刻衝入去先！原來停車場果個係後門，正門0係大街，都幾顯眼架！店內座位唔多，同隔離都幾親密下。
睇睇個menu先，拉面大概有十款配菜，配三款面底同五款湯底，選擇都唔少架！另外有唔少燒物、炸物，連飲品都有滿滿一大頁。店仔細細，但食物款式確係多！我地叫左兩款拉面，加三款燒物：照燒雞扒拉麵、極上和牛拉麵、燒牛舌同燒扇貝。
燒雞扒拉麵
24 views
0 likes
0 comments
雞扒預先燒香左先放0係麵面，外皮香脆，肉質嫩滑，口感一流。而麵條火候控制都唔錯，不軟不硬。湯底方面，我選左地獄湯底，豬骨濃香外有微辣，非常惹味！成碗麵水準好高，反而伴碟既糖心蛋過熟，扣左少少分。
極上和牛拉麵
13 views
1 likes
0 comments
老公叫左豬骨湯底，佢覺得偏啖唔夠濃香。好彩我揀左地獄姐！但值得一讚既係牛肉，偷食左老公一舊，好驚喜！店主用左高級既燒肉級和牛，入口即溶，無諗過拉麵配料都可以有甘既質素。
燒牛舌
11 views
0 likes
0 comments
一串牛舌定價唔平，但一見到實物就覺得好值得喇！牛舌一串有三件，三件都係厚切，非常足料！火候控制得剛好，肉質爽口；一啖咬落去，肉汁識得噴射出黎，好過癮！調味方面，佢地用左唔少香料同醬汁，味道好豐富。
燒黃金扇貝
17 views
1 likes
0 comments
燒黃金扇貝
10 views
1 likes
0 comments
呢個就係重頭戲喇！一上枱，即刻哇哇聲！扇貝一客有四隻，原隻連殼上，芝士鋪滿表面，熱辣辣嗞嗞聲，同時芝士香味攻擊都好猛烈，仲未入口已經有齊視覺聽覺嗅覺既享受。一夾起，芝士軟綿綿，可以拉到好長好長⋯⋯入口好鮮味好juicy，絕對係代表作。
食飽飽，食到食唔落，兩個人埋單三百有找。終於明白點解人地成日話元朗食物平靚正喇！
Post
