富田和食亭 (Closed)

上個禮拜日，連同朋友一行四人行係油塘行完山，已經很肚餓了，決定去藍田富田和食亭日式任食放題。由於星期日既關係，7點去到已經好多人，大家去食記得先訂位。首先，飲品方面係自助式，有兩大雪櫃，任君選擇。但清酒同梅酒就要另外order，我和朋友就最鍾意忌廉牛奶飲品milkis。呢間任食放題有好多種類，有串燒、西日扒類、天婦羅、手卷/卷物、刺身、壽司、拉麵等等，真係想食咩都有！我地order左唔同既新鮮刺身，甜蝦刺身大大一隻味道甜美，厚切三文魚入口即溶，鮑片、象拔蚌亦非常鮮甜。跟住係各類壽司，大小飯量岩好，唔會太飽。火焰芝士蟹棒壽司，芝士香味四溢，撒上蟹籽，口感很特別。必食火焰三文魚腩壽司，三文魚新鮮，油脂分佈均勻。至於熟食，韓風炒蜆辣味稍重，很開胃。牛油炒粟米，淡淡牛油香味滲透粟米，清甜可口。一定要推薦既係黃金焗蠔，加上芝士一齊烤，很入味；而蒜香燒蠔，充滿蒜香味，我和朋友都忍唔住order多一轉。作為任食放題結尾當然少不了甜品，餐廳提供眾多選擇，例如有雪糕，雪條，泡芙，布甸，泡芙，豆腐花等等。最後，餐廳食物質素幾好，下次會再光臨！