嘆撈

Open Now

Now Closed

嘆撈屯門紅橋可以算係美食既集中地，糖水鋪更加係愈開愈多。今日見食完晚飯個肚都仲有空位，咁就走咗出大馬路揾糖水食。😜😜走到出大馬路，發覺間間都好多人排隊，咁最後我同朋友就揀咗嘆撈呢間餐廳。😊😊餐廳細細間，好有家庭風格，地方亦非常整潔。打開我餐牌，發現原來除咗各式各樣既糖水外，呢到都有各式小食，撈麵，水餃同燒賣等等比大家揀。但今日我地都係試下佢個甜品。😋😋糖水都有分中式經典糖水同台式愛玉芋圓等等。我地叫咗個南北杏木瓜燉雪耳，木瓜好清甜，加埋雲耳，成個糖水好滋潤。糖水甜度適中，幾好食。另一樣我地叫咗生磨芝麻糊，食呢樣野最怕佢水汪汪，太稀就愈好淡口。嘆撈既芝麻糊冇呢個問題，芝麻味好濃郁，仲唔會調教得太甜，好好食。🥰🥰最後我地叫咗個綜合芋圓涼粉。材料好豐富，包括涼粉，愛玉，小丸子，三色芋㘣等等。甜度好適中，芋圓同小丸子好彈牙，愛玉好滑溜，仲有少少椰果同蘆薈，好豐富！😍😍