The Balcony (Closed)

The Balcony是一間樓上西餐廳，環境夠靜，食物不俗，價錢還非常大眾化，二人餐$588已經吃到飽，如果喜歡飲酒的，每位加$98還可以有兩小時任飲餐酒或啤酒，最適合朋友眾會。餐廳以白色做主調，裝潢簡單整潔。Set Dinner for Two ($588)二人餐包括沙律、前菜、湯、主菜、甜品和餐茶，都幾抵食。廚師精選沙律沙律都幾大份，內有沙律菜、火腿、蘋果和紅蘿蔔，沙律醋比較杰身，酸中帶甜，幾好味。凍八爪魚配牛油果番茄醬牛油果和番茄粒中間加入了切粒八爪魚，口感很豐富，醬汁酸酸甜甜帶點微辣，非常開胃。煎北海道帶子配波蘭汁帶子很厚肉，表面輕煎過但中間還保持半生熟，彈口得來還食得出帶子的鮮甜味，下面是白蘿蔔，煮得夠腍又沒有渣。秘製龍蝦湯龍蝦湯雖然只有少少一杯，但味道濃郁得來又不會過鹹。新西蘭鱈魚柳配泡菜薯蓉鱈魚柳魚皮煎得香脆，魚肉軟腍，泡菜薯蓉食得出泡菜酸辣味，都幾特別。煎美國鴨胸配松露意大利粉鴨胸都幾多，意大利粉好香松露味，口感帶點微彈，做得不錯。餐茶餐茶包普通咖啡或茶，食到飽飲返杯凍檸茶幫助清化。甜品拼盤左邊是雲呢拿奶凍，右面則是薑味雪糕，奶凍幾滑溜，薑味雪糕薑味則比較輕。