泰金國 (Moved) New Location

如果唔係朋友介紹都唔知九龍城有間咁嘅好嘢。聞說呢間野又係好旺場，所以早一日whats app去訂定位先。果日同同事一收工就飛的去，去到搵來搵去，終於搵到，就係公園仔對面，6點半去到仲未開門，只見店員仲喺度剝緊洋蔥。準時7點開門了，睇門面以為好細，原來內有乾坤，隔離連住一間舖仔嘅，裝修非常簡單，勝在冷氣夠凍。開門只係10分鐘就坐滿人了，只有2個侍應，所以佢地好忙，忙起嚟態度就自然...點了青木瓜沙律、生蝦、泰式烏頭、泰式炒通菜、唔記得咩野炒飯、冬陰公、再加枝singha啤,例牌的泰菜青木瓜沙律，不過不失啦、略嫌不夠香口。冬陰公湯都好正宗，味濃料夠。生蝦簡直無得輸，夠大隻厚身，肉質彈牙，廚師好野,炸埋個蝦頭唔好浪費，送酒一流。我都好欣賞碟泰式烏頭，烏頭裡面夾左好多香茅，燒烏頭本身已經香口再配埋香茅味，簡直一流。但係可能呢d地方叫炒飯有點唔夾，炒飯濕立立，配臘腸，真係好一般，無謂浪費quota，大家都食剩晒。炒通菜，不錯。最重要係埋單先最驚喜，咁食法都係大約480蚊，4個人食，每人只係120蚊，開心到笑，唯一唔好就係人太多，侍應見我地食完喺度吹水，就走嚟講話唔好意思，出面好多人等位呀，果然一