Read full review
2014-06-03
2346 views
假期晚上7點到達, 滿座等了5分鐘就可以入座. 店員繁忙, 但手腳快, 點菜, 上菜都超速, 讚.- 生蝦刺身: 刺身蝦唔算好新鮮, 但都唔係差, 而且夠大隻, 食落啖啖肉, 配上醬汁唔太辣, 食唔到辣既朋友都接受到.- 小食拼盤 (香葉包雞, 蝦餅, 春卷, 魚餅) : 香葉包雞做得不錯, 雞肉既有香葉既香味, 而且肉質嫩滑, 好香口惹味 ; 蝦餅也值得一讚, 蝦味重又夠哂彈牙 ; 春卷唔夠熱, 但仍然炸得脆身, 好足料; 魚餅就一般, 較普通.- 蒜香多士: 一定要order, 就甘食已經好好味, 好香蒜蓉牛油味, 或者配咖哩更加好味, 吸汁能力強.- 海鮮冬陰公: 海鮮較少, 但材料也有花枝同大蜆加返分, 冬陰公微辣夠酸, 越食越開胃.- 青咖哩牛: 青咖哩唔辣, 令人易接受, 而且重椰奶味. 不過唔係我想像既青咖哩味. 牛係用上牛腩及部份牛肉片, 牛腩夠淋身易咬口, 茄子用上本地及泰國茄子, 組合不錯.- 串燒 (豬, 雞) : 燒得唔乾身, 咬落肉質有彈性, 配埋個醬就夠哂惹味, 個醬比較浠, 所以唔會蓋過肉味.- 芒果冰沙 (左): 用料十足, 芒果味濃, 又唔會太甜膩,
- 生蝦刺身: 刺身蝦唔算好新鮮, 但都唔係差, 而且夠大隻, 食落啖啖肉, 配上醬汁唔太辣, 食唔到辣既朋友都接受到.
- 小食拼盤 (香葉包雞, 蝦餅, 春卷, 魚餅) : 香葉包雞做得不錯, 雞肉既有香葉既香味, 而且肉質嫩滑, 好香口惹味 ; 蝦餅也值得一讚, 蝦味重又夠哂彈牙 ; 春卷唔夠熱, 但仍然炸得脆身, 好足料; 魚餅就一般, 較普通.
- 蒜香多士: 一定要order, 就甘食已經好好味, 好香蒜蓉牛油味, 或者配咖哩更加好味, 吸汁能力強.
- 海鮮冬陰公: 海鮮較少, 但材料也有花枝同大蜆加返分, 冬陰公微辣夠酸, 越食越開胃.
- 青咖哩牛: 青咖哩唔辣, 令人易接受, 而且重椰奶味. 不過唔係我想像既青咖哩味. 牛係用上牛腩及部份牛肉片, 牛腩夠淋身易咬口, 茄子用上本地及泰國茄子, 組合不錯.
- 串燒 (豬, 雞) : 燒得唔乾身, 咬落肉質有彈性, 配埋個醬就夠哂惹味, 個醬比較浠, 所以唔會蓋過肉味.
- 芒果冰沙 (左): 用料十足, 芒果味濃, 又唔會太甜膩, 冰涼清爽.
- 珍多冰(右): 比較普通, 沒特別.
5個食物, 1份多士, 2個飲品, 滿滿一枱都是食物, 才$400左右, 平靚正泰菜. 食得好滿足.
Post