東城酒家 (Closed)

朋友極力推介，說開了一家新的酒樓，現在的火鍋很抵食，點都要嚟試試。於是遠道而來，酒家就位於輕鐵站附近，十分容易搵到。由於星期日怕人多，於是 6：30 左右便到達，幸好不用等位，暫時的人有不算很多。這裡的座位會有些逼，都算整齊，潔淨就一般。但服務員都幾友善。首先叫個湯底 ，之後就立即出去睇下有咩食，食物枱上的食物都擺放整齊，令人蠢蠢欲動想攞晒返去食，蔬菜方面都有4，5款都係一些時令菜，通菜，娃娃菜，白菜，油麥菜等。仲有 金菇，仙菇，响聆，支竹，南瓜片，冬瓜片，炸芋片，粟米，蕃茄，豬紅，牛柏葉，鵝腸，魷魚......等等而熱食有 : 炒河粉，炆豬肚，蘿蔔牛腩 （兩樣都炆得好淋好入味，牛腩都唔算鞋），咖哩魚蛋，壽包仔（因為有蒸籠蒸住，所以 又熱又軟熟 ），馬拉糕，炸雞翼 （皮脆肉滑），春卷 等等。仲有些食物係要 劃紙去order ，比如 肥牛 （ 真的幾肥，肉味普通，但肉質唔鞋），脆鯇魚骨腩（ 個人認為最好食，肉質爽脆鮮甜），海蝦 （新鮮爽甜），豚肉（普通，有些鞋仲有少少蘇味）。整體以呢個價錢嚟講，係抵的，而且仲冇收加一服務費，飲品任飲有：啤酒，汽水，竹蔗水（不過竹蔗水比較甜）。