Video
Read full review
2023-09-16
290 views
呢間牛肉火鍋真係食極都食唔厭，佢淥一淥🥢就可以食得，唔使每次打邊爐都一定去放題任食嗰種，食得耐而且食嚟食去都係嗰幾款，啱晒平時想打邊爐過吓癮嘅人！呢間火鍋店主打唔同國家牛肉嘅唔同部位，食得夠刁鑽，叫咗自己想食嘅牛肉部位，放落自選嘅鍋底裏面淥返幾秒，在點上佢哋自家製嘅牛肉汁，簡單又好食😋！佢哋個湯底定期會轉，每次都會有一啲季節限定嘅特色湯底，每次嚟到一定有新嘢可以試！餐廳有好多間分店，價錢都唔貴，每一碟牛肉都係幾十蚊，一次過可以試晒幾種部位！午市時段同埋早鳥/晚鳥時段嚟，仲有正價食品八折優惠，真心抵食，未試過快啲去試吓！------------------------------🍖◖牛骨清湯◗ $62用咗兩大舊牛骨🦴去熬煮，加入咗白蘿蔔同牛腩肉，淨係個湯底其實都幾多料～湯底比較清甜，帶有少少牛香，冇多餘嘅調味，好適合用嚟做牛肉火鍋嘅湯底！🐂◖信州和牛赤身◗ $78信州和牛係由616嘅團隊專誠到日本長野縣，精心挑選嘅牛肉品種，價錢親民，每碟都係$100有找～佢都俾得幾多，細細片係一口嘅大細，牛肉味香濃，赤身部位油花唔會太多，食落偏瘦。🐂◖澳洲五花趾◗ $68呢個部位平時真係少見，夾雜着啲筋
餐廳有好多間分店，價錢都唔貴，每一碟牛肉都係幾十蚊，一次過可以試晒幾種部位！午市時段同埋早鳥/晚鳥時段嚟，仲有正價食品八折優惠，真心抵食，未試過快啲去試吓！
------------------------------
🍖◖牛骨清湯◗ $62
用咗兩大舊牛骨🦴去熬煮，加入咗白蘿蔔同牛腩肉，淨係個湯底其實都幾多料～湯底比較清甜，帶有少少牛香，冇多餘嘅調味，好適合用嚟做牛肉火鍋嘅湯底！
🐂◖信州和牛赤身◗ $78
信州和牛係由616嘅團隊專誠到日本長野縣，精心挑選嘅牛肉品種，價錢親民，每碟都係$100有找～佢都俾得幾多，細細片係一口嘅大細，牛肉味香濃，赤身部位油花唔會太多，食落偏瘦。
🐂◖澳洲五花趾◗ $68
呢個部位平時真係少見，夾雜着啲筋膜位置，比較爽脆，牛肉味都夠嘅。
🐂◖吊龍伴◗ $68
吊龍伴會黐住少少脂肪，食落會甘甜啲，帶有啲牛油香氣
🐂◖熟成加拿大牛肩脊◗ $58
切得比較厚身，整體就比較瘦，啖啖肉嘅口感，牛肉味都幾濃郁
🐂◖安格斯橫隔肌◗ $48
個人覺得呢個真係必試，佢肉質軟腍得嚟牛味都好濃郁，脂肪比例分布得啱啱好，好食！
🐂◖英國安格斯牛前胸肋◗ $58
油脂幾豐富，唔覺得韌，食落好香好甘甜
🍜◖鮮製手打烏冬◗ $18
616嘅烏冬係同本地麵廠合作研發而成，麵條好香穀物嘅味道，口感煙韌彈牙
🥬◖水蓮菜◗ $28
打邊爐必叫水蓮菜，口感爽脆鮮甜
🌟 Encore指數：9/10
Post
