博多·爐端燒

Open Now

Now Closed

以前成日去黃埔個間爐端燒，貴得黎又普通，不過今日發現左間平靚正既爐端燒，師傅仲要係日本人，佢d前菜真係好有日本風味，依架去唔到日本旅行，食返日本師傅整既野，當自己去左😂地道的博多風味，侍應話全部都係日本師博親自整，仲話另一個師傅都係日本做野返黎，兩個師傅都係用日文交流，真係好似去左日本咁，野食又唔錯，又平又正。Lunch set 一個set有2個小食，1個主菜仲有湯同飯。小食真係好好食，食落就知好多心思，好小日本餐小食會咁用心。提一提，個芝士豆腐真係好芝士，配豉油食，係真係好好食！之後我散叫左d海鮮，蠑螺，鮮甜爽口，不過唔好咬到佢肉以外，會苦的。仲叫左福岡的燒蠔，同自家製的沙甸魚明太子，可惜我本人真係唔係相機行先，食完先發現無影相，燒蠔真係好好食，半生熟又夠爽身，鐘意食好既一定要試。沙甸魚明太子對我黎講就咸左少少，味道都ok。白子，我最愛的白子，真係好好好好食，加埋的酸汁，真係好食到無朋友。主菜係西班牙黑毛豬眼，6成熟，入口好似食緊手咁！面頭燒得好香，d油脂燒哂岀黎，我朋友戒左牛一年，佢話好似牛肉咁，雞頸肉香口同好嫩滑，加上佢個日本蛋加酸汁，真係好滑。埋單8百幾，今餐真係好低食，我同我