LM Cafe (Closed)

其實之前已經想試LM Cafe，可惜原來星期日唔開，今次約到朋友星期五晚係觀塘食飯，朋友都推廌食LM Cafe，所以終於有機會試到啦。LM Cafe 離地鐵站大約行10至15分鐘，尚算方便，入到去坐位都好闊落，不過都有可能要搭位。晚餐選擇都好多下，我同朋友就一人選左一個Dinner Set。餐湯及沙律 - 餐湯係羅宋湯，大碗多料兼好味，沙律都好新鮮，但落左太多醋，食到最後係勁酸。傳統英式早餐 - 分量好充足，煙肉腸仔都有兩份，真係可以夠兩個女仔食，而且各樣食物都好味，真係值得推薦。香蒜牛油帶子意粉 - 意粉好爽口，帶子同蒜頭的分量都唔少，而且勁香牛油味，不過真係有D太重手，但整體都係好味的。值得一提係凍飲雖然要加$2，但勁大杯，而且幾好飲。整體而言，雖然似係高級茶餐廳的格局，但食物質素同環境都真係幾好，而且分量都好充足，真係幾抵食，值得推薦。