松山素食 (Closed)

依間媽咪話佢會派飯比長者，好有善心🥺。見依間店咁有善心，我都幫襯下佢買個飯盒。而佢地嘅素菜飯盒，價廉物美，你有得揀唔同嘅餸菜，仲配湯，份量都唔少㗎真係超值。今次我外賣揀咗個三餸飯盒，三款素食餸菜分別係麵醬茄子、大豆芽肉鬆同麻婆豆腐。雖然係素但係非常美味，尤其是大牙芽肉鬆，味道上直頭唔覺得佢係素菜，唔講真係以為係食緊肉。而麻婆豆腐同埋麵醬茄子麵好出色，唔會死喊，質素同街外普通餐廳冇分別，甚至更加好添。跟餐仲送咗個湯，都係齋湯，有啲豆類、紅蘿蔔、冬瓜等等，飲落好清甜舒服，完全冇落味精嘅感覺。另外仲加咗一碗粥，係紫薯粥，賣相都睇到佢幾咁紫啦，食落真材實料好重紫薯味，仲熱辣辣香噴噴。