日月星快餐 (Closed)

自從附近出咗意外之後，都好少嚟呢一邊買嘢食，今晚收工特登搭車過嚟買外賣 。叫咗一個牛扒快餐黑椒汁， 配白飯 。呢個餐抵食在除左右牛扒之外仲有一隻蛋， 一塊火腿， 一條香腸 ，仲有兩塊午餐肉添 ，冇可能會食唔飽 。今晚廚師好細心 ，將牛扒切成咗幾片，唔使等我返到屋企自己慢慢撕開 。牛扒係薄薄地嘅一片 ，唔會有雪藏味，唔會好鞋，幾嫩口。午餐肉亦都係厚嘅冇呃稱。不得不提佢個黑椒汁真係好好味，係真係有少少辣辣哋嘅感覺，而唔係好似其他一般餐廳嗰啲黑椒汁通常都唔辣嘅。 成個餐賣35蚊真係好抵食， 仲有例湯送添。