Homeland (牡丹大廈) (Moved) New Location

今日係旺角附近行街，行到攰攰地就周圍搵餐廳，上網睇到呢個homeland既評價都好正面，就決定黎試吓啦！我地兩個人叫左個小食拼盤、冬陰功闊條麵、同埋一杯海鹽奶蓋抹茶。 小食拼盤有炸雞翼三隻、炸蠔三隻、fish finger 三隻同埋一堆薯條。兩個人食份量好夠，炸雞翼係柚子蜜味，酸酸甜甜又好脆，好好食；炸蠔同fish finger就不過不失啦；薯條就略嫌淋左啲，我個人比較鍾意脆薯條。冬陰功闊條麵又係好好食，本身都好鍾意飲冬陰功湯，配落意粉原來都好夾，下次黎會再叫。海鹽奶蓋抹茶既奶蓋超好飲，好回味。