越味皇 (Closed)

呢排香港嘅境況令人都無乜心情食好嘢😢放假都決定求奇係荃灣搵間餐廳食個飯就算。醒起好耐之前食過呢間越味皇，記得好似都唔錯，所以就再嚟試吓👍🏻今次都無叫2人餐之類，淨係散叫咗2個主食一個普通生牛河😄我知佢本身有個升級版靚牛嘅生牛河嘅，但最終都係叫Cheap啲果個算...味道不過不失啦，勝在好平🤣之後仲叫咗個牛柳粒紅飯，超好食呀呢個飯整得😍雖然牛柳粒嘅份糧唔算話好多，不過個紅飯新鮮即叫即整，酸酸甜甜咁好醒胃👍🏻配飲品有半價，叫咗杯青檸soda，不錯不錯😍埋單都唔洗💰$150