臨記車仔麵 (Closed)

今日落開藍田買野，經過啓田商場，決定喺度食埋晚餐。我地叫左一碟油炸鬼雞翼，一碟菜心，同兩碗車仔麵。第一碗有魚皮餃，蘿蔔，溏心蛋，配米線同麻辣湯。魚皮餃正常啦，最岀色係溏心蛋，本身有醃過，亦做到真正溏心。另外米線有啲偏淋。另一碗係久違嘅廚師腸，蘿蔔，入味冬菇同溏心蛋，配米粉同麻辣湯。好開心喺車仔面檔食到廚師腸！必食嘅仲有非常夠味嘅蠔油冬菇！另一推介係油炸鬼雞翼，又香又脆，肉質鮮嫩！叫咁多野食連野飲都係一人大約$70，超抵！