Video
Read full review
2021-05-11
100 views
朋友知道我大食，約我响灣仔食晚飯，話带我去「牛極」鋸扒，原來就响胡忠大廈對面馬路，此店係以自助形式經營，門口設有一部售賣機，點選食物後，便可進內坐低等。朋友話我知，此店所有飯、湯、沙律都係任添，一定食得飽。朋友自己點選了一份澳洲牛仔肉眼排，我就要了一份日式雞排，店員引領我哋入內坐，朋友便急急行去自助吧取了兩塊圍裙、飯一大碗、兩碗日式牛肉湯、兩碗沙律，便舒舒服服坐低等店員送上食物，真係唔使好耐，店員已將食物一一捧出來放上枱面，真係快過打針。朋友真識食，佢件肉眼排望落好似好普通，但切開就眼前一亮，肉身夠軟，剛好有六、七成熟。我件雞排都唔差，雞皮薄又唔肥，雞肉好鮮嫩，夠滑。佢㗎日式牛肉湯好好飲，牛肉大大片，好似食緊肥牛，湯入邊㗎蕃茄夠酸，湯料十足，越飲越開胃。生菜沙律都唔差，菜夠脆夠新鮮，蕃茄仔酸甜，加埋令人開胃㗎柚子沙拉汁或胡麻沙拉汁，我同朋友各自食左兩大碗。
朋友話我知，此店所有飯、湯、沙律都係任添，一定食得飽。
朋友自己點選了一份澳洲牛仔肉眼排，我就要了一份日式雞排，店員引領我哋入內坐，朋友便急急行去自助吧取了兩塊圍裙、飯一大碗、兩碗日式牛肉湯、兩碗沙律，便舒舒服服坐低等店員送上食物，真係唔使好耐，店員已將食物一一捧出來放上枱面，真係快過打針。
朋友真識食，佢件肉眼排望落好似好普通，但切開就眼前一亮，肉身夠軟，剛好有六、七成熟。
我件雞排都唔差，雞皮薄又唔肥，雞肉好鮮嫩，夠滑。
佢㗎日式牛肉湯好好飲，牛肉大大片，好似食緊肥牛，湯入邊㗎蕃茄夠酸，湯料十足，越飲越開胃。
生菜沙律都唔差，菜夠脆夠新鮮，蕃茄仔酸甜，加埋令人開胃㗎柚子沙拉汁或胡麻沙拉汁，我同朋友各自食左兩大碗。
Post
