厦村鄉鄉事委員會員工飯堂

Open Now

Now Closed

厦村美食展就聽得多，其實呢到厦村仲有間員工飯堂好出名下，有朋友帶我嚟食過一次之後，覺得幾好食，隔左一星期唔想煮飯就又嚟呢到開餐！泊車勁方便，一落車隔離就係！以為平日晚餐唔使訂位啦，差點無位坐添！要左半隻燒鵝，鵝肉好甘香，燒到啱啱好，拍得住元朗馳名某間燒鵝店，但價錢仲平d~菠蘿咕嚕肉，炸粉唔太厚啖啖肉，味道微酸帶甜好滋味。豉油王鵝腸，鵝腸好粗，遠睇好似炒烏冬甘～上次食豉椒炒惹味d囉～椒鹽鮮魷炸到好乾身唔油，滿滿一碟份量好足！