峰壽司魚屋

Open Now

Now Closed

星期日７點到，要等十零個冧把，等候時間居然要50分鐘，食肆唔大座位不多，下次嚟食真係要再早d，起碼6點零，但要讚的是食物嚟得快兼服務好叉燒拉麵叉燒厚切有口感又唔鞋，味道ＯＫ，而拉麵彈牙爽口，略嫌湯底太清燒餅風味炸鱆魚餅鱆魚餅真係有鱆魚味，又唔會炸得太乾太燶，上面加上木魚同沙律醬，好有大阪燒風味，值得一試天婦羅盛合有蕃薯、茄子同蝦，炸得金黃香脆兼薄身，全部熱辣辣上枱，必試聖誕繽紛炸蝦卷賣相討好，醬帶點辣，蝦卷炸得又熱又脆，卷埋飯大件咗少少，但味道ＯＫ三文魚盛（2人份量）有多種三文魚壽司及刺身，非常吸引，2人份量好抵食，有4大片厚切刺身、6件壽司、6件小卷及2件花之戀，魚全部都好新鮮肥美，啱晒我哋呢班三文魚控，極力推介壽司盛—特上（2人份量）一共有16件壽司及4件厚切三文魚，飯好黏兼細細件，而上面件刺身反而比較大件，新鮮度又高，全部都好味，尤其三文魚籽同吞拿魚，平靚正之選4個人埋單都係$743，實在太抵食！