紅車厘麵包西餅

Open Now

Now Closed

幫襯咗紅車厘好耐啦，麵包平得嚟又好味，好抵食。試過佢哋好多種唔同款式嘅麵包，最中意食嘅就系豆腐蛋糕同埋核桃蛋糕，食落去果陣會感覺到蛋糕仲有小小濕潤，唔會似出邊有D餅鋪咁會整得太過乾身。另外，佢哋嘅老婆餅都幾好味，即日整嘅，都有幾多人買，有時要到晏晝先買到。佢哋嘅蛋糕款式好多，好食，個樣又好睇（個人覺得唔會輸連鎖店），價錢又平。唔會似出邊有d鋪頭，價錢平嘅，個樣就唔好睇，又難食；好食嘅，又貴。同埋有d鋪頭蛋糕最少都要一磅先肯賣，紅車厘又唔會咁樣喎，佢哋蛋糕有分半磅同一磅。我哋四個人食，次次都係買半磅，啱啱好，唔驚食唔曬雪櫃無位擺。幾乎年年屋企人過生日都系食佢哋嘅栗子蛋糕，好好味，有好多生果，到宜家都差唔多食左6年。其間有一次想轉下口味就買左佢哋嘅芒果蛋糕，都系好味嘅，芒果好甜，但係因為屋企長輩覺得芒果太甜，之後都系keep住買翻栗子蛋糕。雖然栗子蛋糕嘅生果都系咁多，但系圍邊果層瓜子仁（唔肯定係咩堅果，但系屋企都系叫佢作瓜子仁😆）真系肉眼可見逐年變少。由第一次買果陣，瓜子仁密密麻麻，幾乎睇唔到下面白色層cream，到宜家瓜子仁幾乎少左一般，一望過去就見到層cream（唉~，唔知系咪因為成本