棠記雲吞麵

Open Now

Now Closed

疫情轉趨嚴重, 少左啲學生係午飯時間覓食, 搵位都方便咗。相比附近其他茶餐廳人龍如鯽, 呢間舖嘅人流相形見拙。我叫咗個雲吞牛腩麵, 畢竟間鋪都寫到明係主打雲吞麵, 所以即管試下味道。首先係碗麵嘅賣相方面, 碗面都算賣相吸引, 色澤濃郁, 雲吞嘅數量相當足,有足足四粒,而且雲吞餡料十分豐富, 有蝦、蔥花、鮮肉, 而雲吞皮都做得相當出色, 皮薄餡靚當之無愧。 而另一個主角牛腩方面, 牛腩經過長時間調製,配上滋味嘅腩汁, 兩者配合得天衣無縫, 牛腩相當淋身, 配埋凍飲凍檸茶,都只係37蚊,相當實惠。