豪隍點心工房 (Closed)

平時去飲茶都要去傳統屋邨酒樓，難得觀塘有一間點心專門店，而且又企企理理，我哋呢啲後生仔女梗係無任歡迎啦！佢地呢間店都好厲害，因為佢哋喺觀塘仲開附咗一間新店啊，不過我就鍾情舊店啦，食開有感情呀嘛！佢哋嘅餐牌有好多款唔同嘅點心，而且仲要係新鮮整嘅，佢哋嘅工場就係隔離㗎咋！次次都係見到大家會介紹佢哋嘅蝦餃皇、燒賣皇，冇錯的確係好好食好足料 ！但係你哋睇吓佢哋其他點心，其實款款都咁大份，大份到連個碟都裝唔落甘；你睇吓嗰碟雞扎，好似好逼甘啊，包住幾甘多材料！🤭🤭我哋今次兩個人嚟叫咗幾款已經好夠食！最後要提一提大家：記得記得要早啲嚟啊，如果唔係就要喺出面排隊等㗎啦！