椰粉湯紅 (Closed)

我同同事比個靚靚門面吸引左🤣。價錢唔貴，一個餐既價錢由四十幾到七十幾都有，悉隨尊便👍🏻。嗌左兩個餐share食，好飽🥰。惹味麻婆豆腐（彩虹飯）$48就咁望落去個麻婆豆腐好似肉醬😂。麻婆豆腐辣辣地，又唔算好辣，唔洗一路食一路飲水🤣。啲豆腐藏左係裏面，好完整。揀完餸之後可以揀唔同嘅飯，見到有個叫彩虹飯，我哋就嗌黎試吓，最緊要係唔使加錢😌。原來彩虹飯裡裏有粟米同紅米，又係啲健康野😻。竹絲海南雞（椰香飯）$68坦白講我第一次就咁食竹絲雞，平時竹絲雞應該用嚟燉湯，而唔係咁食🤪。食落啲雞肉非常之嫩滑緊緻，咁樣形容好奇怪，但係你食過就會明白🤔。本身仲擔心啲肉質比普通食開嘅海南雞鞋/乾身，相反依份竹絲雞更加滑溜🥰。個椰香飯好好食，真心好香，就咁食飯唔食餸都okay。食療拿杯湯 加$15燉湯真係好似冇味精無添加，所以飲落去個味道比平時其他餐廳飲開嘅清啲👍🏻。正正因為咁我非常之鍾意，飲完之後絕對無口乾嘅感覺。好暖胃，尤其是依家落雨濕濕嘅天氣，飲返碗暖嘅湯水好緊要（養生mode）😂。埋單$146（無加一）