燒味滷師 (成城大廈)

Open Now

Now Closed

行過見到好多人排隊，於是就斬啲料返去同同事一齊食。冇諗過價錢咁實惠都咁大碟咁好食。 至尊燒鵝（上庄）$110 皮脆肉嫩，真係只可以用呢四個字形容，又夠juice又夠油香。本來以為咁平嘅燒鵝層皮會唔脆，結果係我錯，超級脆。叉燒（半斤）$40 唔肥，但係又好滑，又唔會鞋烚烚。調味都好好，唔會過甜或者過鹹。應該同師傅講要厚切，咁樣會更加滋味。客家鹽焗雞（半隻）$25見到咁平順便買半隻試吓，肉質非常嫩滑，唔會死鹹，好入味。泰式鳳爪拼海蜇$42啱晒夏天食，爽口過癮，調味都非常好。