青咖喱屋 (Under Renovation)

邊個話平就無好野食？！剛試過非常值得推薦的熟食街市正宗泰菜（人氣鼎盛），由廚師到樓面都係泰國人做番家庭式經營，可能好味過係泰國食（至少無咁油）！ 雖則係街市檔但係食物種類齊全，連咖喱、灼螄蚶、生蝦、洛神花、椰青、泰國啤酒。。。流口水中！不過，因為今次同老爸去所以食得較清（小小小辣）但係都令到我要推介！1）柚子沙律‧名字普通看似平凡，材料絕對豐富柚子、椰蓉、雞絲、蝦仁、檸檬葉及其他香料，撈撈埋埋啲汁好開胃2）黃咖喱雞‧這個咖喱不辣的！有香香滑滑咖喱味可能因為有蕃茄薯仔所以中和咗3）蒜蓉炒椰菜苗4）烤餅‧外皮烘得香脆又唔油；配上咖喱汁超正5）泰式明爐烏頭魚‧重點推介！比起多貴價泰菜館做得更有誠意；其實點條魚但配料何其多又壯觀仲附設一湯碗上湯（含配料的）！肉碎鮮菇香料不在話下，仲加咗酸梅及粉絲，食到尾啲魚汁渾埋個湯度又被粉絲索番，簡直想打包個湯底返家添呀！tips: 晚市樓面人手不足可能會較慢！ 午市套餐超抵食！