貴香園

Open Now

Now Closed

發現旺角都幾多唔同嘅米線店，呢間就第一次試，當日係平日晚市唔算太多人，好快就有位。上菜速度呢都幾快酸辣雞！平靚正～招牌麻酸辣雞絲腸仔米線$46湯底我揀左麻酸辣嘅（小辣），麻味唔夠，辣味都冇，有酸味，但整體味道係ok。雞絲肉質都好嫩，有雞味，腸仔煎香另上，仲有兩條，米線嘅口感係比較軟冧。配料方面都好足，夠哂多，有芽菜、蔥花、肉醉等等，增加左口感嘅層次感，整碗米線食起來非常滿足～酸辣腩肉金針菇米線$46呢碗米線揀左酸辣（小小辣），同麻酸辣湯底係差唔多，只係酸味再濃d，同冇麻辣，非常開胃。腩肉嘅肉質非常軟嫩，因為舊肉幾肥下，但味道方面都幾惹味。同樣地配料都好多，成碗麵食完都好飽，兩碗麵比較，個人更喜歡酸辣湯底，因為湯底夠酸又夠濃，好食！