薄餅怪獸 (Moved) New Location

第一日來到紅磡返工自己一條友唔知有乜嘢食。又未出糧想食平價嘢。今時今日茶餐廳都要50元落樓。見到呢間薄餅店。午餐都係39元，本住一試無妨醫肚的態度入去。叫咗個葡汁焗海鮮飯，個葡汁好有心機製作。甜甜地味道，唔太濃。海鮮有好多材料。最正就係仲有薯條送。嘢飲可以要汽水或者湯。今時今日食麥當勞都要30幾元，呢一餐絕對係超值。薯條唔使用油炸用健康炸鍋咋。食得健康香口惹味。店內衛生整潔相信將會系我未來一段時候的飯堂。