韓正屋韓國料理 (搵食市集) (Closed)

喺Facebook見到大圍有搵食市集，放假專登搵埋朋友一齊去見識吓。地方細細，但驟眼望，都有七至八間餐廳選擇。踏入門口，左手邊就見到一間韓國嘢；同樣地，五臟雖小，但食物款式竟然多過一般嘅韓國餐廳。佢仲要細心到有啲熱門食物，不但有正常份量，仲有細份俾人揀，即刻可以試多好多嘢食。我哋揀咗份細分嘅炒粉絲同炸雞，正常份量嘅牛肉拌飯同埋芝士拉絲炒年糕、涼拌海帶同紫菜飯卷。因為諗住去picnic，環保的朋友準備了環保餐盒。雖然食物已經隔咗一段時間，但炸雞依然好脆，啲雞肉都好嫩滑，配埋佢個芥末沙律醬，秒速清晒。個炒粉絲同雜錦牛肉拌飯嘅味道同質素同韓國有得揮。食咗咁多嘢都$300有找，抵到爛。