Pokka Café (樂富廣場A區) (Closed)

呢間Pokka Cafe環境幾好，乾淨光猛💡初時小妹諗住嘆Tea set，但最後被擺在門口位置的紐西蘭鐵板200g牛扒宣傳板吸引🤣 當日職員安排小妹坐卡位，位置舒服，人少少可以嘆住享用😍🐮紐西蘭肉眼牛扒蒜蓉汁上枱絕無欺場，熱辣辣煙霧彌漫🥳 醬汁放鐵板上heat住👍🏻避免overcooked要快手啲開動🙌切開一睇估唔到仍然粉嫩，色澤靚，熟度剛好，有嚼勁，肉質彈性，肉味好濃😋 唔好以為價錢平就hea，配菜有羽衣甘藍🥬粟米🌽洋蔥🧅西冷一路受熱，醬汁調味好，食到明顯蒜蓉香味🤤 網上見人地話有提供圍裙，但小妹今次係冇既😐🍝香草帶子意粉呢份以下午茶黎講都算幾多😆 帶子以細粒為主，但因份量都唔少，所以咬落幾有口感，加上配搭咗香草味，令每啖意粉都食到香草味道🤩Pokka cafe向來都係大眾化穩陣之選，食品花款多，且有很多不同款式甜品、扒、意粉之選👍🏻小妹覺得都會有下次😝