王子廚房

Open Now

Now Closed

大大話話都幫襯過有十次了，今次就寫寫食評先，唔知店主識唔識睇中文呢。其實E間店同前面咖哩店係同一老闆開，所以有d食物味道係一樣。環境一般普通西餐廳，座位都算舒服，店員服務態度好好，不過請用英語對話會好d。點解我會成日去食或買外賣，因為佢地整Pizza真係好好食，而且選擇多，你鍾意點拼都得，而且價錢平，之前疫情關係，外賣有8折，一個Pizza唔使一百蚊去邊到搵，而且好食過間連鎖大集團PizzaH, 又貴又唔好食。一坐底會送幾片印度脆片比你食，我好鍾意食😋。我地二人叫左三樣野素菜咖哩角，好多薯仔好重印度香料味，幾好食烤雞半隻配薯角，我覺薯角好食過隻雞，因為烤得太乾主菜招牌pizza 冇得輸，熱辣辣勁多芝士，餡料好足厚過d餅底，外脆內暖，正。。要多d 支持下d小店，唔好比集團式霸晒個市場。