金泰子泰國餐廳

Open Now

Now Closed

呢間餐廳係新開的，但其實之前位置都喺柏樹街，新舖位置就只係前幾個位，好易搵~睇下餐牌，午餐好抵食，幾十蚊有十幾款粉麵飯選擇，加幾蚊又有特飲，我就揀咗龍眼冰，清清甜甜食泰菜最適合！老公每次食泰菜都要點既飛天通才，貪佢夠鑊氣，又香口，呢度食仲好大碟添!另外叫左個泰式雞肉炒金邊粉，最鍾意有啲花生喺側邊撈埋一齊食，又香口又有口感！最後叫多個黃咖喱軟殼蟹，因為平時食得太多豬牛羊，咁O岩有呢個選擇就揀佢啦！碟上裝飾更顯泰國風味！食咖喱當然要點蒜蓉包，麵包烘得香脆，點埋咖哩幾時都咁夾！