Video
Read full review
2021-09-06
159 views
旺角又有宵夜好去處，最近花園街新開咗間叫「常嚐食•深燒堂」嘅手工串燒店，外賣時間更去到深夜 2 點，啱晒夜猫一族。店舖面積不大，門面亦唔算好起眼，但店內環境不俗，裝修得骨子企理，白色牆身配以長長嘅梳化靠背，設計舒適，感覺明亮自然。串燒有海鮮類、蔬菜類、肉串類、燒丸腸，全部都可以自選口味和辣度，另外亦有一系列廚師推介、花甲粉及飲品等供應，定價非常親民。先嚟一條黃花魚 ($78)，魚身燒至香噴噴，肉質肥美嫩滑，魚皮脆卜卜，入口帶陣陣孜然香，微辣惹味，不用焦點醬汁吃，已非常滋味。豬肉年糕 ($20) 豬肉烤得挺酥香，半焦脆半柔軟，口感一流。入面嘅年糕嚼勁十足，柔韌又唔黏牙，同面頭嘅豬肉好夾。另外串金菇肥牛 ($35) 亦非常好吃，以油花豐富嘅牛肉片包卷住金菇，肥牛燒得很香口，鹹香惹味，加上爽口多汁嘅金菇，美味。京蔥豬頸肉 ($35) 味道亦不俗，豬頸肉入味又彈牙，肉質肥瘦均勻，吃起來很爽脆。經過醬燒的京蔥，食味亦不俗，入口完全無辛辣感，甜甜的，超好吃！原條茄子 ($40) 茄子原條上桌，大大件，肉質 Juicy 軟綿，食落好香滑，加上以金銀蒜、蔥花、椒粒等鋪面，燒完後更加濃香，夠晒惹味，
旺角又有宵夜好去處，最近花園街新開咗間叫「常嚐食•深燒堂」嘅手工串燒店，外賣時間更去到深夜 2 點，啱晒夜猫一族。
店舖面積不大，門面亦唔算好起眼，但店內環境不俗，裝修得骨子企理，白色牆身配以長長嘅梳化靠背，設計舒適，感覺明亮自然。
串燒有海鮮類、蔬菜類、肉串類、燒丸腸，全部都可以自選口味和辣度，另外亦有一系列廚師推介、花甲粉及飲品等供應，定價非常親民。
先嚟一條黃花魚 ($78)，魚身燒至香噴噴，肉質肥美嫩滑，魚皮脆卜卜，入口帶陣陣孜然香，微辣惹味，不用焦點醬汁吃，已非常滋味。
豬肉年糕 ($20) 豬肉烤得挺酥香，半焦脆半柔軟，口感一流。入面嘅年糕嚼勁十足，柔韌又唔黏牙，同面頭嘅豬肉好夾。
另外串金菇肥牛 ($35) 亦非常好吃，以油花豐富嘅牛肉片包卷住金菇，肥牛燒得很香口，鹹香惹味，加上爽口多汁嘅金菇，美味。
京蔥豬頸肉 ($35) 味道亦不俗，豬頸肉入味又彈牙，肉質肥瘦均勻，吃起來很爽脆。經過醬燒的京蔥，食味亦不俗，入口完全無辛辣感，甜甜的，超好吃！
原條茄子 ($40) 茄子原條上桌，大大件，肉質 Juicy 軟綿，食落好香滑，加上以金銀蒜、蔥花、椒粒等鋪面，燒完後更加濃香，夠晒惹味，愛茄人士必試。
壓尾點咗客花甲粉 ($56) 湯底同樣可以自選辣度，內有花甲、金菇、豆卜同娃娃菜等。粉底有粉絲同烏冬可供選擇。 花甲好新鮮，入口鮮甜無沙，粉絲晶瑩剔透，滑溜又唔太腍。
配料揀咗豆卜($7)、黑汁丸($8)、鴨血($8) 同 響鈴($8)，豆卜索晒湯底精華，一咬爆汁！ 鴨血大件厚肉，有誠意。響鈴吸滿湯汁，超級入味，正。
餐廳午市有兩餸及三餸飯等供應，下次有空會再嚟試下。
Post
