金子半之助 (東薈城名店倉)

Open Now

Now Closed

這間餐廳是我住在東涌的朋友推介，假日去完大澳經過東涌，當然要試下。餐廳位置就在噴水廣場後有一條扶手電梯，一上就見到。可能時間比較早，不用等位就能直接入去用餐，用完餐出黎見到要排隊。餐廳主要食天丼，選擇不多的他有他的好處，我好怕一些過江龍餐廳為了迎合香港人的口味，硬要加一些他們不最在行的菜式。未講主菜，先講一下餐廳奉上的黑豆熱茶，好特別，味道夠濃。我和朋友不約而同都揀了江戶前天丼，因為大家都想食穴子，上菜時像一般定食除了天丼，還有麵豉湯和漬物。天丼是指天婦羅炸物丼飯，醬汁淋面，第一啖會有點不慣，但食多兩啖就好喜歡。食材好新鮮，尤其是海老，太好味了。穴子長過碗面，外脆內軟，雖然整個天丼好足料，唔知係咪個日我朋友好餓，佢話有點不夠飽。整體價錢又唔貴，食物有特色，入黎東涌不妨一試。