大盛日本料理 (Closed)

本來諗住去Mikiki搵野食，路過見到有間日本料理餐廳，價錢非常抵，仲有埋野飲，所以就入咗去食。雖然餐牌上話係輕食，但其實份量以午餐嚟講，都十分足夠。滑蛋吉列豬扒飯比較少見有滑蛋吉列豬扒飯會加入埋青椒， 可能因為咁令到滑蛋變得比較碎。 還好吉列豬扒炸得啱啱好，唔會太老，食落好爽口。雜錦天婦羅飯比想像中多天婦羅，有炸蝦、炸茄子、炸青椒、炸南瓜同埋炸番薯等。 其實炸天婦羅飯食落都比較乾，不過還好炸茄子同炸青椒都有啲水份，而且有個汁，所以都還可以。