麻布茶房 (Closed)

呢度既套餐的確幾抵，一個套餐有齊火鍋甜品。湯底可選豬骨湯，麻辣湯同蕃茄湯，我加左錢要海鮮同烏龍麵。火鍋有龍蝦丸，娃娃菜，嗚門卷等等，肉類可自選雞肉，牛肉或豬肉。海鮮都叫新鮮，正常味道。我好鍾意烏龍麵！彈牙有口感，而且附上香蔥豉油，撈埋一齊幾好食～牛油焗雜菌牛油味不算突出，反而菇味較濃。霜降西冷都可以跟餐，有齊沙律，白飯，湯，主菜同自選甜品。牛肉入面仲係粉紅色，不過鞋左少少。冰羽衣甘藍蘋果，味道似青蘋果口味，酸酸甜甜。士多啤梨刨冰，附上草莓醬。熱辣辣既蕃薯🍠配上冰凍抹茶雪糕，味道幾特別，不過蕃薯味好濃偏甜，令到抹茶雪糕味道被蓋過左。個人覺得，食厭左吉野家，都可以黎呢度試下，可以用好平既價錢試曬甜品同打邊爐。