Video
Read full review
2018-08-19
569 views
連續兩星期去咗食自助餐，雖然好味，但感覺有點 heavy，所以趁週末，決定去吃 越南菜清清腸胃。記得友人曾向我推介過位於深水埗嘅越式餐廳「第一郡」，大讚店裡嘅食物，不但味道佳，而且價錢大眾化，加上店子早前更衝出深水埗，喺天后開咗新分店，叫我得閒去試下。其實筆者早就已經想去幫襯呢間越南小店，可惜一直就唔到時間，而家唔使過海都食到，啱曬我這個懶精！餐廳位於天后威菲路道 6 號地下 B 舖，位置雖然唔算好近港鐵站，但亦未至於太「吊腳」。門面以深啡色為主調，沿著走廊往內進，座位分成左右兩邊排列，近門口係半開放式廚房，而最入就係水吧位。細看四周，地方唔算好大，不過裝潢都幾有特色，尤其是用上帶越南風味的尖頂草帽做燈罩，配上搶眼的黑白階磚地板，將越菜的老土感一掃而空。拿起店員送上嘅餐牌，食物種類不多，以湯河、撈檬、米線同法包為主，另外亦有兩款飯、牛腩燉蔬菜、米紙卷、甜品同飲品等。先嚟一客米紙蝦卷 ($35/2條) 做前菜，為免米紙風乾咗，蝦卷用新鮮蕉葉包裹著，上桌時附有一小兜花生醬。打開蕉葉，米紙卷外形脹卜卜，非常飽滿，薄薄的米紙包住檬粉、生菜、芽菜、豬肉、鮮蝦、香草和青瓜等，餡料超多。蘸花生醬同吃
餐廳位於天后威菲路道 6 號地下 B 舖，位置雖然唔算好近港鐵站，但亦未至於太「吊腳」。門面以深啡色為主調，沿著走廊往內進，座位分成左右兩邊排列，近門口係半開放式廚房，而最入就係水吧位。細看四周，地方唔算好大，不過裝潢都幾有特色，尤其是用上帶越南風味的尖頂草帽做燈罩，配上搶眼的黑白階磚地板，將越菜的老土感一掃而空。
拿起店員送上嘅餐牌，食物種類不多，以湯河、撈檬、米線同法包為主，另外亦有兩款飯、牛腩燉蔬菜、米紙卷、甜品同飲品等。
先嚟一客米紙蝦卷 ($35/2條) 做前菜，為免米紙風乾咗，蝦卷用新鮮蕉葉包裹著，上桌時附有一小兜花生醬。打開蕉葉，米紙卷外形脹卜卜，非常飽滿，薄薄的米紙包住檬粉、生菜、芽菜、豬肉、鮮蝦、香草和青瓜等，餡料超多。蘸花生醬同吃，外皮相當煙韌，口感勁豐富，加上秘製花生醬，食落非常惹味，用來當作開胃前菜就最適合不過。
接著是一客越式法包 ($40)，據說長法包是向本地麵包廠度身訂做，法包上桌時已經切成兩半，方便客人享用，做法非常貼心。至於入面的餡料就有越南扎肉、豬肉、肉鬆、雞肝醬、醃蘿蔔等。麵包即點即烘，咬下新鮮香脆，加上餡料中間還夾著大量酸菜同蔥花，所以吃起來口感非常清新，一人食半個，飽肚滋味。
之後係一客 Q1 麵 ($65)，麵嘅湯底係用豬骨配上蝦蟹煮成，而餸料方面就有帶子、冬菇、魚肚同蘿蔔等。先呷一口湯底，味道相當清甜，感覺輕盈又健康。麵條為自家訂製的拉麵，食落爽口帶靭勁。魚肚超大塊，爽口滑溜，而且滿滿的骨膠原；帶子肉質富彈性；蘿蔔腍嫩無渣，咬下鮮甜入味，很不錯。如果愛吃辣，也可加點「是拉差」椒醬同吃，鮮辣惹味。
意猶未盡，決定再加多客淨係星期六、日先有得供應嘅牛腩燉蔬菜 ($55) 試試。牛腩用咗蕃茄、紅蘿蔔、洋蔥、薯仔去燉，用料十足，上桌時配有法包。牛腩大大件，肥瘦適中，燜得腍身又夠入味，而且食落口仲帶淡淡嘅蕃茄香氣。法包頗大個，端上來時已經切開四件，入口外脆內軟，用來蘸點牛腩蔬菜汁，吃得很滿足。
飲品點了熱檸水 (+S4/跟麵) 同芒果沙冰 ($30)，沙冰好大杯，用新鮮芒果炮製，入口芒果味很香濃，超級 creamy，好似食咗成個芒果落肚咁，飲完勁飽。本來好想試埋餐廳另一名物：斑蘭綠豆糕，可惜店員說當晚已經售罄，都好，一於當留個藉口俾自己再嚟多次。
Post
